WebSite
你睇下歷史。
2000 年，dot-com bubble 爆咗。嗰陣時個個話「互聯網玩完啦」、「網站冇用啦」、「實體經濟先係王道」。結果呢？Amazon 由廢鐵變全球巨獸。Google 由搜尋器變咗人類嘅第二個腦。
2008 年，金融海嘯。又有人話「網上生意太虛擬」、「冇實質價值」。結果呢？iPhone 啱啱出咗一年，App Store 開始爆發，Mobile web 改寫晒人類嘅生活習慣。Facebook 由大學宿舍 project 變成連接全球 30 億人嘅基礎設施。
2012 年，好多人話「Web 已死、App 才是未來」。個個衝去做 native app。結果呢？Progressive Web App 出現， responsive design 成熟，網站愈嚟愈快、愈嚟愈勁，連 Google 都全力推 Web。App？大部份人 download 完，一個月內就 delete。
2020 年，疫情爆發。實體店死晒。嗰啲一早有網站、有電商嘅商户，唔止冇死，仲逆市增長。嗰啲諗住「網站冇用、我靠熟客就得」嘅，死咗一半。另一半？死死氣急急腳揾人整網站，但已經遲咗。
2023 年，AI 大爆發。ChatGPT 出世。Midjourney 出世。又有人話「AI 會取代網站」、「以後大家用 chatbot 就得」。結果呢？兩年後嘅今日，2026 年——網站唔止冇死，仲變成咗 AI 時代最重要嘅據點。你嘅網站，就係你喺數碼世界嘅地址。你嘅網站，就係 AI 幫你做生意嘅基地。
呢幾十年，每一次科技浪潮，淘汰咗好多嘢——Flash 死咗、CD-ROM 死咗、Fax 機就嚟死埋、連實體店都死咗一大截。
但網站，從來冇死過。
唔止冇死，仲每一次都進化，每一次都變得更重要。
所以你問我：「點解要學自己整網站？」
我反而想問你：「點解你到而家都未學？」
唔係因為你懶。唔係因為你唔夠聰明。而係因為咁多年嚟，成個社會都話俾你聽：「寫 website 係 IT 人嘅嘢。」
你由細到大俾人灌輸一個觀念：呢個世界分兩種人——「識電腦嘅人」同「唔識電腦嘅人」。而你好早就俾人分類咗做後者。可能係中學嗰陣電腦堂聽唔明。可能係第一次見到 HTML code 覺得係外星文。可能係你身邊識寫 website 嗰個 friend，每次講 tech 嘢你都覺得自己係 outsider。
於是你就信咗。信咗自己「唔係嗰種人」。
然後你會點？你要開網站嘅時候，你就俾錢人哋做。萬幾兩萬，一個最基本嘅網站。要改一個掣嘅顏色？收你 $800。要加個新頁面？收你 $3000 再等兩個星期。個網站慢過烏龜？「哦，要加 server resources，每月加 $500。」你想整個 landing page 做 promotion？「要排期呀，下個月先得。」
你嘅生意，俾「唔識整網站」呢件事，hold 住咗。
你唔係冇 idea。你有一百個 idea。但你每一個 idea 都要等人、等報價、等排期。等到個 idea 由新鮮變過期，由過期變放棄。
但呢個世界變咗喇。
2026 年，寫 website 嘅方式，同以前完全唔同
以前你要學 HTML。學 CSS。學 JavaScript。學 React。學 Node.js。學 database。學 server。學 deployment。
每一樣都可以搞你幾個月。全部加埋？兩三年先叫做「識啲」。
但而家？
你只需要識一件事：描述。
你打開 Cursor，打開 Claude，打開 ChatGPT。你打好一段文字：「幫我做一個 landing page，頂部有一個 full-width hero banner，深藍色 gradient background，白色大字 headline 寫住『改變你的生活』，下面有個橙色 CTA button 寫住『立即開始』，撳咗會 scroll 去下面嘅 features section。Features section 有三個 columns，每個有一個 icon、一個 title、一段描述。最底有個 footer 有 copyright 同 social media links。」
撳 Enter。
30 秒後，你眼前有一個完整、乾淨、專業嘅 landing page。
你望住個 screen。你 scroll 上 scroll 落。你㩒個 button，佢真係 scroll 去下面。你打開手機睇，佢 responsive，手機上面一樣咁靚。
**然後你突然醒起：你一行 code 都冇寫過。**
呢個，就係 Vibe Coding。
唔係「學寫 code」。係「學同 AI 對話，叫佢幫你寫 code」。
兩者嘅分別，等於——
以前係「你要學識整車先可以揸車」，
而家係「你話俾司機聽去邊，佢車你去」。
「但我唔係想做工程師喎」
你唔使做工程師。
你係賣衫嘅、開咖啡店嘅、做美容嘅、搞補習社嘅、做貿易嘅、做設計嘅、做 consultant 嘅。你唔需要轉行做 developer。
但你絕對需要「識同 AI 協作寫 website」。
點解？
因為呢個技能，會直接影響你盤生意嘅生死。
我舉幾個例子：
你係賣衫嘅。你有一批新貨到咗，想做個 pre-order landing page 谷一谷。以前你要揾人整，等兩星期，使幾千蚊。到個 page 出到嚟，人哋已經賣緊第二水。而家？你夜晚收舖之後，坐低，用 AI，兩個鐘，個 page 出咗街。聽日開始收訂單。
你係開咖啡店嘅。你想做個簡單網站，有個 menu page、有個 location map、有個 Instagram feed embed、有個 contact form。以前你覺得「算啦，Facebook page 用住先」。而家？一個週末，自己整好。由今以後，人哋 Google search「[你嗰區] 咖啡店」，你揾得到。
你係做美容嘅。你想做個 booking system，俾客 online 預約，自動 send confirmation WhatsApp，自動提醒聽日有 appointment。以前你要俾錢 subscribe 平台，每個月幾百，仲要唔係 fully customized。而家？AI 幫你用 no-code 工具 + API 砌出嚟，一次過 setup，之後自動 run。
你唔係要做工程師。你係要做一個「唔使靠人」嘅老闆。
講個故事俾你聽
我有個 friend，叫阿強。阿強喺深水埗開電子零件舖，做咗十幾年。佢唔係嗰種「好鍾意試新嘢」嘅人。佢連 Facebook page 都係佢個姪仔幫佢開嘅。
舊年佢同我講：「啲客愈嚟愈少。啲人行過睇兩眼，然後上淘寶買。我唔知點算。」
我問佢：「你有冇網站？」
佢話：「冇呀，我邊識呢啲嘢。」
我話：「你試下學 Vibe Coding。一個週末，你可以有個網站。」
佢笑：「你玩我咩？我連 Excel 都唔係好識。」
三個月後，我再揾佢。佢俾咗個網址我。
我打開。係一個完整嘅電子零件網店。有產品 catalogue（超過 200 個 SKU），有 search function，有購物車，有 PayMe 付款，有順豐自動運費計算。仲有英文版同繁體中文版。
我呆咗。
「你點做到㗎？」
佢話：「你上次講完之後，我去報咗個 Vibe Coding course。第一堂我已經嚇親——原來而家寫 website 係咁樣嘅。唔係打 code，係打字描述。我同 AI 講：『我要一個 search bar，可以 search 零件編號同名稱』，佢就幫我整咗出嚟。」
「然後我慢慢將舖頭入面所有貨放上去。AI 幫我寫晒所有產品描述。AI 幫我翻譯做英文。AI 幫我 generate product photo。我每星期放幾日夜晚做少少，做做下就變咗而家咁。」
「最癲嘅係咩你知道嗎？」佢話。「我上個月嘅 online order，多過舖頭 walk-in。有單仲係英國嘅。英國呀！深水埗一間電子零件舖，做緊英國人生意。」
阿強唔係天才。佢係一個普通嘅中年男人，一個覺得自己「唔係 IT 人」嘅小店主。
但佢做咗一件事：佢願意試。
你可能仲係有啲顧慮：
「AI 寫嘅 code，會唔會好屎？」
呢個係好多人嘅 concern。但現實係：AI 寫嘅 code quality，喺 2024 到 2026 呢兩年之間，進步咗嘅幅度，比你我想像中大好多。
2024 年嘅 AI，寫 code 仲有好多 bug，要你識 debug 先用得。2026 年嘅 AI？你描述得清楚，佢 generate 出嚟嘅 code，直接 run 得。當然，複雜嘅 project 仲係要人執，但一個中小企 website、一個 landing page、一個 e-commerce store？AI 嘅 code quality 已經夠晒用。
而且，就算有 bug——你再同 AI 講：「呢個 button 撳落去冇反應」，佢會幫你 fix。
你唔使識 debug。你只需要識 feedback。
「咁我學咗之後，AI 再進化，我咪又係跟唔上？」
呢個係最多人嘅恐懼。但你諗真啲——
Vibe Coding 教嘅，唔係「點樣用 ChatGPT version 4.7」。工具會變，version number 會變。但你學緊嗰樣核心能力係咩？係 **「用自然語言描述需求、同 AI 協作迭代、將 idea 變成 product」**。
呢個能力，AI 點進化都唔會 obsolete。因為 AI 愈叻，呢個能力就愈值錢。
一個好識同 AI 溝通嘅人 + 一個普通 AI = 好嘅 output。
一個好識同 AI 溝通嘅人 + 一個超強 AI = 癲嘅 output。
你嘅價值，唔係在於你識邊個 tool。你嘅價值，係在於你識唔識指揮 AI。
「我年紀唔細啦喎⋯⋯」
我聽過太多人咁講。40 歲、50 歲、60 歲。「我呢個年紀，仲學咩新嘢。」
我同你講個事實：Vibe Coding 課程入面，學得最快嘅，往往唔係後生仔。係中年轉型嘅人。
點解？
因為後生仔好多仲係用緊傳統方法學 coding，佢哋要 unlearn 好多嘢。而中年學員呢？佢哋冇嘢要 unlearn。佢哋直接由零開始，用最新嘅方法學。仲有，佢哋有 domain knowledge——佢哋知道自己嘅行業需要咩 website、咩功能、咩 design。AI 幫佢哋實現，佢哋只需要判斷好唔好。
後生仔識寫 code，但唔知寫咩。
你知寫咩，而家仲識叫 AI 幫你寫。
你覺得邊個有優勢？
呢幾十年，唯一冇變嘅嘢
科技點變，有一個嘢從來冇變過：
一個 business，需要一個 digital presence。
2000 年，你需要一個網站。
2010 年，你需要一個網站（可能加埋 Facebook page）。
2020 年，你需要一個網站（可能加埋 IG shop、WhatsApp Business）。
2026 年，你需要一個網站（可能加埋 AI chatbot integration）。
2030 年？你仍然需要一個網站。只不過個網站可能 evolved 咗，可能識自己同客傾偈、可能識自己 optimize conversion、可能識 predict customer behavior。
但佢仍然係一個網站。
而擁有呢個網站嘅能力——唔係「俾錢人哋幫你整」，而係「你自己識整、識改、識 optimize」——會直接決定你盤生意嘅 agility。
對手出咗個新 promotion，佢個網站兩日就 update 咗。你要等兩星期。
市場興起一個新趋势，佢即刻整個 landing page 搶頭啖湯。你仲諗緊揾邊個 freelancer。
Google 改咗 SEO algorithm，佢自己改下個 site structure。你要俾錢 consultant 搞，仲要唔知搞唔搞得掂。
你唔係輸喺產品。你唔係輸喺服務。你係輸喺「等人」。
所以，你嘅選擇係咩？
你可以繼續等。繼續俾錢人哋做。繼續俾「唔識 IT」呢個 identity 框住自己。
https://ite.edu.hk/shop/85f46aee-622a-4e6a-8e75-30ae40c59e60
https://www.hangs-tech.pro/
