近年因為體重不斷增加, 做完身體檢查後, 醫生建議減肥否則好快就會有糖尿病. 所以由舊年9月開始, 我開始嘗試用168斷食減肥法.

過程好簡單,16小時內只飲水不進食, 然後8小時內可以進食但係唔可以食碳水化合物, 只可以食肉或者菜.

一星期後已經減咗十磅, (其實第一個十磅係求其一個減肥方法都可以做到, 最主要係減去水份. 但真正減肥係由第二個十磅開始.)

但第二個十磅係非常之難減, 進展唔理 ! 一個月落嚟只係減咗四五磅. 跟住希望速度加快, 改用186. 但係冇乜進展磅數依然. 開始對方法有所懷疑, 後來再深入了解, 係因為我飲水唔夠, 身體需要水份分解脂肪, 但飲水唔夠, 功能減半, 之後我每小時定時飲水, 磅數開始加快減磅.

結論係要飲水來配合方法. 大家不妨試下 !

經過二個月努力,體重依然在某一個水平,毫無進展. 後來有條講血糖,可能我身體血糖太高,要減肥先減血糖, 血糖又會間接同肝有關. 所以上個月飲蘋果醋, 我每日都飲，一星期一支醋. 頭三星期效果唔理想, 只係減少少, 可能改牌子, 第四星期開始下跌, 一星期減四磅. 減速驚人. 加上開始留意食物糖份比重。我可以感受到每二日身輕感覺. 可能之前三星期要溶解體內器官脂肪，一旦器官脂肪分解後, 身體其他部位會開始流失脂肪. 我相信下次驗身時，血糖可以在合理水平, 心臟血管有所改善 !

健康, 生活方式